ياتجيب حبيبي ياتخدني تغرقني فيه
كتبهانزار المصري ، في 5 نوفمبر 2008 الساعة: 12:02 م
يا غايب عن سمايا
مش قادر على الفراق
شكيتك لروحي جوايا
أمتى يانجمي يوم التلاق
سألت الزهر فى البساتين
خبيت عنه فراقي سنين
ياما بكيت بعده فى ليل السهر
ياما عديت ثواني البعد على ورق الشجر
قلت أسأل عليه البحر
يااا بحر
فين وديت حبيبي أللى روحي فيه
حبيبي أللى الامانى سكنت فى لون عينيه
رد علي يابحر
ياتجيب حبيبي ياتخدني تغرقني فيه
ـــــــــــــــــــــــــــــــــــــــــــــــــــــــــ
التصنيفات : شعر وخواطر | السمات:شعر وخواطر
أرسل الإدراج | دوّن الإدراج
نوفمبر 9th, 2008 at 9 نوفمبر 2008 10:33 ص
فين وديت حبيبي أللى روحي فيه
حبيبي أللى الامانى سكنت فى لون عينيه
لما سألته أنا يانزار نفس سؤالك من سنوات كتار
رد عليه بموجه العالى وقالى راح الحبيب مع التيار
تاهت بيه السفينة وسط بحر الفراق اللى ماله أرار
جاية تدورى فى المية عن قلب كان لشتاكِ جمرة نار
قلت له يا بحر بعده بردانة ودنيتى من غيره مُر المرار
قال لى البحر متسألنيش عن حبيبك دا سكن جو غار
أسألى قلبك .. دليلك …هو بس يعرف فين القرار
أركبى فيا سفينة ….وأنا وصلك لباب الدار
وركبت والله السفينة ……وسمعته يا نزار
بينادى بصوت بعيييييد قلبى من بعدك فى نار
وسالته أنت فين ؟؟؟وليه سبتنى مع الغدار؟؟
قال لى القدر محكوم ..زقالى السكن مقسوم
قال لى النصيب محسوم دى حكمة ربك مقدر الأقدار
كل الود وتقبل مرورى وخالص تحياتى
نوفمبر 12th, 2008 at 12 نوفمبر 2008 7:36 م
أنت جميلة المشاعر عن جد ومخيلتك جاهزة
أنا مش بقدر أجاري أبداعك
كل المنى والتقدير
لا اله الا الله
نوفمبر 13th, 2008 at 13 نوفمبر 2008 1:05 م
وكل الشكر لاستضافتك لى فى جنة قلمك